Grazas a este proxecto a semana pasada chegaron ao cole unha chea de libros que nos acercan ás vidas e ás contribucións de moitas mulleres galegas que marcaron a diferenza no seu tempo.
Coñecer as mulleres galegas que destacaron en campos como
a literatura, a ciencia, ou a arte permítenos entender que a historia non foi
escrita só por homes. Estas historias tamén
nos inspiran a superar obstáculos e a soñar sen límites, rompendo estereotipos
de xénero.
A nosa biblioteca conta agora con obras sobre María Casares, Ángeles Alvariño, Ángela Ruiz Robles... e, para os máis pequenos/as, a historia
de Os Bolechas, a prol da igualdade. Estes libros son unha oportunidade para
descubrir o talento, o esforzo e a valentía de todas. Ademais, tamén contamos
con decálogos sobre a diversidade LGTBI que fomentan o respecto, a empatía e a aprendizaxe
de toda a comunidade educativa.
Animámosvos a visitar a biblioteca e mergullarvos nestas
historias inspiradoras.
Porque a igualdade tamén se aprende nos libros.
Ningún comentario:
Publicar un comentario