Visita a Amarai

Con motivo do Día Internacional das Persoas con Discapacidade o alumnado de Educación Infantil visitou o Centro de Recursos Amarai para vivir unha experiencia inesquecible. Esta actividade tiña un obxectivo moi especial: aprender sobre a importancia da igualdade e visibilizar o papel de todas as persoas na sociedade.

Durante a visita, os nenos e nenas participaron en actividades conxuntas cos usuarios/as do centro. Xogaron e cantaron moito. Foi marabilloso ver como, a través do xogo e a música, descubrían que, aínda que todos somos diferentes, tamén temos moito en común. Estamos moi orgullosos de ver como os nosos pequenos/as comezan a comprender o valor da igualdade e da solidariedade.

Grazas a Amarai por convidarnos! 💜